विराटनगर । वरिष्ठ कवि कृष्णभूषण बल प्रतिष्ठानले चार जना साहित्यकारलाई सम्मान सहित पुरस्कृत गरेको छ ।
कवि बलको स्मृतिमा स्थापित प्रतिष्ठानले शनिवार विराटनगरमावरिष्ठ कवि शैलेन्द्र साकार गीतकार शिवशंकर थापा, कवि एवं गजलकार प्रेम ओझा र कवि शुभलक्ष्मी लम्साललाई सम्मान सहित पुरस्कृत गरेको हो ।
कवि साकार र थापालाई जनही २५–२५ हजार, ओझालाई १५ हजार र लम्साललाई ११ हजार राशिसहित विराटनगर महानगरका प्रमुख नागेश कोइराला, आयोजक संस्थाकी प्रमुख संरक्षक शोभा लामा बल, कार्यबाहक अध्यक्ष केशव आचार्य, महासचिव विवश पोखरेल, साहित्यकार खेम नेपालीलगायतले दोसल्ला ओढाएर नगद र सम्मानपत्र प्रदान गरि स्रटाहरुलाई सम्बोधन गरेका थिए ।
विराटनगर निवासी स्वर्गीय कवि कृष्णभुषण बल थोरै लेखेर पनि धेरै चर्चा कमाउने एक चेतनशिल विद्रोही कवि थिए । कार्यक्रममा वरिष्ठ आख्यानकार कृष्ण धरावासी, विराटनगर प्रज्ञा प्रतिष्ठानका अध्यक्ष विवश पोखरेल, अग्रज साहित्यकार खेम नेपाली, कवि मुनाराज शेर्मा, गोकुल अधिकारी, निर्मला कोइराला, रमेशचन्द्र अधिकारीलगायतले कृष्णभूषण बलको व्यक्तित्व र कृतित्वमाथि प्रकाश पारेका थिए ।
View : 95
Copyright © 2023 -2025. Sri Khabar. All Rights Reserved